Naisahan muli ni Rondae Hollis-Jefferson si Justin Brownlee.
Humarabas si Hollis Jefferson ng 23 points, 6 rebounds, 9 assists, 2 steals at 2 blocks para ihatid ang Jordan sa 87-62 win laban sa Gilas Pilipinas sa 19th Asian Games sa Hangzhou Olympic Sports Center Gymnasium Sabado ng gabi.
Binangasan ng Jordanians ang Nationals 2-1 sa Group C, dadaan sa playoff ang Filipinos para makahabol sa quarterfinals.
Diretso na sa quarters ang Jordan matapos mangolekta ng tatlong panalo sa gayunding dami ng laro.
Mainam din ang nakuhang suporta ni RHJ mula sa mga kakampi, naka-double digits sina Freddy Ibrahim (17 points), Sami Bzai (12), John Bohannon (10) at Ahmad Al Dwairi (10).
Iwan ang Gilas 42-29 sa break pero naglunsad ng matinding rally para ibuhol sa 52-52 sa basket ni CJ Perez.
Sumagot ng 7 unanswered points ang Jordanians tungo sa 59-52 papasok ng fourth.
Tinapatan ni Brownlee ng 24 points si RHJ, pero si Scottie Thompson (11) na lang ang naka-double figures sa Filipinos.
(Vladi Eduarte)
